Brès de mi jouinis an, rode ounte ai vist lou jour,

Que siegue proche o liuen, vous amarai toujour.

 

O poulido Chartrouso ! ô coumbo benesido !

Tant coumoulo autro fes, de sciènci e de bèuta,

Vuei sara dins lou dou, e plus qu'entristesido,

Que te veiran li gènt venènt te vesita :

 

Lou Bèu dins toun mitan ié fai plus espandido !

L'eigueto de ta font courrènt de tout coustat,

Se vèi plus ié bagant de draiolo flourido

E sus d'aubre ramu se i'ausis plus piéuta ?

 

Ti mounumen clafi d'esculturo requisto

Se dreisson qu'enrouina, las ! davans nosto visto,

E proun maca di cop de la Revoulucioun...

 

Di preguiero e di cant, te n'an rauba l'empèri !

E restant que leidun, n'en crèis moun refoulèri

De vèire tau countraste e talo arrouinacioun.